1414-тен келген SMS: eGov қазақстандықтарға ескерту жасады
![](/kz/uploads/posts/2024-07/1580360196_a.webp)
фото: matritca.kz
Қазақстандықтардан 1414 нөмірінен келген кодтарды үшінші тұлғаларға бермеу сұралды, деп хабарлайды Altainews.kz тілшісі.
eGov.kz мәліметінше, қаскүнем хабарламадағы кодты пайдаланып, цифрлық деректерге қолжеткізе алады.
"ЭЦҚ-ны үшінші тұлғаларға беру арқылы оларға заңды қолтаңбаны пайдалану мүмкіндігін бересіз және оның салдары үшін жауапты боласыз", - деп ескертілді қазақстандықтарға.
Деректерді қалай қорғауға болады:
- 1414 кодын үшінші тұлғаларға көрсетпеңіз;
- ЭЦҚ кілтін үшінші тұлғаларға бермеңіз;
- егер қызметкерлерде ЭЦҚ кілті болса, онда жұмыстан шығарылғаннан кейін ЭЦҚ-ны қайтаруды қадағалау қажет;
- ресми құжаттарға қол қоюға жауапты қызметкерлерге жеке ЭЦҚ берілуі қажет;
- егер ЭЦҚ кілттері бар флэшканы жоғалтып алсаңыз, жоғалған ЭЦҚ кілттерін қайтарып алуыңыз керек;
- Халыққа қызмет көрсету орталығында ЭЦҚ кілттерін алу кезінде парольді өзгертуді ұмытпаңыз;
- Бейтаныс адамдардан ЭЦҚ кілттерін ақылы түрде ашып беру қызметін қолданбаңыз.
Оқи отырыңыз