Өскемендік оқушы халықаралық олимпиададан жүлделі орын иеленді
Өскемендегі Назарбаев Зияткерлік мектебінің 9 «D» сынып оқушысы Жеңісханова Айзере халықаралық "Туймаада" қашықтық олимпиадасынан 1-орынға ие болды.
М. А. Алексеевтың атымен өткізілетін Халықаралықолимпиада математика, физика, химия және информатика пәндері бойынша өткізілді, деп хабарлайды Altainews.kz тілшісі.
Мектебіміздің химия пәнінің мұғалімі Абишева Жанар Семейкановнаның шәкірті Айзере олимпиадаға химия пәнінен, "Неорганикалық және физикалық химия" бағытында 12 сыныптық оқу бағдарламасының 10-сынып оқушыларына дейін "Кіші лигасына" қатысқан. Ұзақ уақыт дайындықты талап еткен үлкен жұмыстан кейін Айзере Жеңісханова 1-орынды иеленіп отыр.
- Мен осы Назарбаев Зияткерлік мектебінде оқып жүрген уақытта химия пәніне баса назар аударып, үлкен күш салып келемін. Осы орайда маған дұрыс бағыт-бағдар мен сапалы білім беріп келе жатқан жетекшім Жанар Семейкановнаға өз алғысымды білдіремін. Осы уақытқа дейін біраз олимпиадаларға қатысып, жүлделі орындар алып келемін. Алдағы уақытта да білім алып жүрген оқу ордасының атын асқақтата беремін деген сенімдемін, - дейді Айзере.
Оқи отырыңыз
Семейлік оқушы әлемдік химия олимпиадасынан жүлде әкелдіҚазақстандық оқушы Қытайдағы халықаралық олимпиадада алтын медаль жеңіп алдыҚазақстандық оқушылар халықаралық олимпиададан жүлделі оралдыӨскемендегі Назарбаев мектебіне қабылдау жүріп жатырХалықаралық Менделеев олимпиадасына шығысқазақстандық оқушы қатысады – Өскемен
