ШҚО: 6 білім беру нысанына күрделі жөндеу жүргізіліп жатыр
сурет редакция архивінен
Өңірдегі алты білім беру нысанында күрделі жөндеу жүргізіліп жатыр. Жаңа оқу жылына дейін төрт нысандағы жұмыс аяқталуға тиіс, деп хабарлайды Altainews.kz тілшісі.
Қалған екі мектеп жоспар бойынша жыл соңына дейін жөнделеді.
– 81 білім беру нысанына ағымдағы жөндеу жүргізу үшін 1,8 млрд. теңге қарастырылған. Қазір 61 білім беру объектісінде жұмыс аяқталды. Қалған 20 нысанда жөндеу жұмыстары жаңа оқу жылы басталғанға дейін аяқталады, – деді облыс әкімдігінің отырысында білім басқармасының басшысы Иннеса Чернышева.
Сондай-ақ басқарма басшысы өз сөзінде биыл жаңа модификациядағы 45 пәндік кабинет сатып алу жоспарланғанын атап өтті.
– 21-і (физика-5, биология-6, химия-3, робототехника-3, stem-4) жеткізілді. 1 қыркүйекке дейін 12 кабинет, жыл соңына дейін 12 кабинет жеткізіледі, – деді спикер.
Оқи отырыңыз
