Биыл ШҚО мектептері 45 заманауи кабинетпен толығады
Фото: depositphotos.com
Бүгінгі таңда Шығыс Қазақстандағы 61 мектепте жаңа 400 кабинетке деген қажеттілік бар. Бұл туралы Өңірлік коммуникациялар қызметі алаңында өткен брифингте білім басқармасының басшысы Иннеса Чернышева мәлімдеді.
– Биыл 549,3 миллион теңгеге 45 пәндік кабинет сатып алу жоспарланған, оның 21-і жеткізілді. Атап айтсақ, 5 физика, 5 биология, 3 химия, 3 роботты техника, 4 STEM кабинеті. 1 қыркүйекке дейін тағы 12 кабинет, жыл соңына дейін 12 кабинет жеткізілуге тиіс, – деді білім басқармасының басшысы.
Ал 2025 жылдан 2029 жылға дейін тағы 210 жаңа модификация кабинетін сатып алу жоспарланған.
Бұл кабинеттер бірінші кезекте қажеттілік бар мектептерге жеткізіледі.
Оқи отырыңыз
