Елордада күздің басты спорттық шарасы басталды.  Ашылу салтанатының құрметті қонақтары Қазақстан, Өзбекстан, Қырғызстан  Республикасы, Түрікменстан, Моңғолия президенттері, Татарстан және Саха республикасының басшылары, сондай-ақ Дүниежүзілік этноспорт Конфедерациясының Президенті Билал Ердоған, БҰҰ өкілдері болды. Ашылу рәсімі Қазақстан Республикасының Мемлекеттік Туын және Көшпенділердің дүниежүзілік ойындарының туын шығару, сондай-ақ Қазақстан Республикасының әнұранын орындау рәсімінен басталды. 89 ел, 2500 мың қатысушы  Астана Арена стадионында   шерумен өтті.

Салтанатты шарада Мемлекет басшысы Қасым-Жомарт Тоқаев жиналған жұртшылыққа жылы лебізін білдіріп өтті.

Мемлекет басшысы ДКО-н Көшпенділер олимпиадасы деп атады.

5-ші Дүниежүзілік көшпенділер ойындарын дайындау және өткізу жөніндегі ұйымдастыру комитетінің төрағасы Роман Скляр мен Дүниежүзілік этноспорт Конфедерациясының Президенті Билал Ердоғанда дүбірлі доданы өткізуде ауқымды жұмыстар атқарылғанын атап өтті.

Ашылу  салтанаты әрі қарай театрландырылған қойылыммен жалғасып,  көрермендерді көшпенділер дәуіріне алып келді, олардың қалыптасуы мен дамуын көрсетті.

Айта кетейік 6 күндік халықаралық спорттық жарыстарға, сондай-ақ мәдени және ғылыми бағдарламаларға қатысу үшін көшпелі емес халықтардың өкілдеріде келді.

ДКО  адамзат өркениетінің мұрасы ретінде этноспорттық және этномәдени қозғалысты дамытуға бағытталған.

Дүниежүзілік көшпенділер ойындары ЮНЕСКО-ның материалдық емес мәдени мұра тізіміне енгізілген.