Атом электр станциясын салу бойынша референдум қарсаңында өңірде түсіндіру жұмыстары белсенді жүргізіліп жатыр.  Мәселен бүгін А.С.Пушкин атындағы облыстық кітапханада сала мамандары қала жұртшылығын толғандырған сауалдарға жауап берді, деп хабарлайды Altainews.kz тілшісі.

Дәл қазір қоғамда қызу талқыланып жатқан сұрақтарға Д.Серікбаев атындағы ШҚТУ-дың сәулет, құрылыс және энергетика мектебінің деканы, қауымдастырылған профессор, PhD докторы,  ҚР құрметті энергетигі Айбек Ақаев жауап берді.

Маманның айтуынша, қазір АЭС салуға әр елдің ұсынған технологиялары көп. Солардың ішінде ғылыми технологиялық әлеуетін бағалай отырып 4 компания таңдалған. Салу барысында бүгінге дейін болған апаттарды алдын ала отырып, қауіпсіздікке аса көңіл бөлінеді. Қазақстан ғалымдарының, соның ішінде Алматы қаласындағы Ядролық физика институтының зерттеуінде АЭС-ның келтіретін зияны төмен.