– Мемлекет басшысы түпкілікті шешім жалпыұлттық референдум нәтижесінде қабылданатынын айтты. Мен атом электр станциясын салу қажет деп есептеймін. Бұл менің жеке әрі кәсіби көзқарасым. АЭС салынар болса, біз көрші елдердің электр энергиясына тәуелді болмаймыз. Президент Жолдауында айтылған энергетикалық қауіпсіздікке осы жолмен жетуге болады. Атом электр станциясының ең басты артықшылығы – энергетикалық көлемділігі. Мәселен, бір келі ураннан бөлінетін энергия 100 тонна көмір немесе 60 тонна мұнай жағумен тең. Оған қоса уранды қайта өңдеп пайдалан беруге болады. Бұл өзі циклді үдеріс. Ал органикалық отынды қайта пайдалану мүмкін емес, ол зиянды қалдық болып қала береді. АЭС-тің тағы бір артықшылығы – экологиялық тиімділігі. Станциядан парникалық газ өте аз мөлшерде бөлінеді. Экономикалық тұрғыда да елге берері мол. АЭС салынса, қаншама адам жұмыспен қамтылды. Тек энергетика емес, қосалқы салалар бойынша да жұмыс орындары ашылады. Қазір әлем елдері жаңа технология бойынша бейбіт атом жолына түсті. Егер халық АЭС құрылысын қолдайтын болса, біз де жаңа технологияны қолданамыз, – деді сарапшы.