Өскемен қаласында білім беру ісінің мамандары мен болашақ педагогтарға арналған III Халықаралық форум басталды.

Аталмыш шараға Қазақстан, Ресей, Беларусь, Қырғызстан және Өзбекстан мемлекеті оқу орындарының өкілдері қатысады, деп хабарлайды Altaynews тілшісі.

Форум Өскемен жоғары политехникалық колледжінің алаңында өткізіліп жатыр.

Форумды "ШҚО кәсіптік білім беру орталығы" КММ, Өскемен жоғары политехникалық колледжі мен "Когалым политехникалық колледжі" БМ ұйымдастырған. Ал қатысушылар қатарында "Новосибирск құрылыс-монтаж колледжі" мемлекеттік бюджеттік білім беру мекемесі, Минск мемлекеттік монтаждау технологиялары және көлік логистикасы колледжі, Сібір мемлекеттік су көлігі университеті, Бішкек техникалық колледжі және ТМД-ның басқа да көптеген оқу орындарының өкілдері бар.