Шығыс Қазақстан облысы Бородулиха ауданының Жаңа Үлбі ауылынан келген Диана Айтхожина 2020 жылы бағдарламаның екінші бағыты аясында «Атамекен» ҰКП ұйымдастырған «Бастау» жобасы бойынша курстардан өтті.

- Курстар өте қызықты және пайдалы болды, бизнес-жаттықтырушылар маған кәсіпкерлік дағдыларды үйретті, - дейді Диана. Оқу аяқталғаннан кейін бойжеткен кәсіпкерлік бойынша алған білімдерін іс жүзінде бекітті, бизнес-жоспар құрды және мемлекеттік грант алуға өтінім берді. Өзінің бизнес-идеясын сәтті қорғап, ол ІҚМ өсіру үшін 555 мың теңге сомасына грант ұтып алды. Қазір бізде кез-келген уақытта жаңа сүт өнімдеріне қолжетімділік бар. Менің балаларым сүт ішеді, сонымен қатар мен өз өнімдерімді (сүзбе, қаймақ, май, сүт) ауыл тұрғындары арасында сатамын, тұрақты тұтынушыларым бар. Олар сапаға өте риза, сонымен қатар бұл мен үшін өте жақсы табыс. Мен адамдарға өз ісімен айналысуға мүмкіндік бергені үшін мемлекетке алғысымды білдіремін,- дейді Диана Айтхожина

Халықты нәтижелі жұмыспен қамтуға жәрдемдесу және азаматтарды кәсіпкерлікке тарту мақсатында Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында 2020 жылы Бородулиха ауданында Жұмыспен қамту орталығы арқылы 53,676 млн.теңге сомасына 96 мемлекеттік грант берілді, оның ішінде аудандық бюджеттен 40 млн. теңгеге жуық сомаға 71 грант және жергілікті бюджеттен 14 млн. теңге сомасына 25 грант бөлінді. Оның ішінде 66 грант ІҚМ, ҰҚМ, құс сатып алуға және 30 қызмет көрсетуге. Грант алушылардың қатарында 22 көп балалы және 12 аз қамтылған отбасы бар.