Оралхан Бөкейдің 80 жылдығына орай жазушылар және журналистер арасында республикалық байқау жарияланды.

Оралхан Бөкейдің 80 жылдығы аясында Өскемендегі О.Бөкей атындағы қалалық кітапхана жазушылар және журналистер арасында «Неткен ғажап дүние!» атты көркем очерк байқауын жариялап отыр, деп хабарлайды Altaynews тілшісі.

Оралхан Бөкей атындағы республикалық ІІ-әдеби публицистикалық байқауына еліміздің барлық аймағынан 25-45 жас аралығындағы жазушылар және БАҚ өкілдері қатыса алады. Қатысушы авторлық очеркіне сай тақырып қояды.

Шығармашылық жұмыстарды қабылдау осы уақыттан бастап 2023 жылдың 1 қыркүйегіне дейін жалғасады. Өз туындыларыңызды ukcbs@mail.ru электрондық поштасына жіберуіңізге немесе баспа түрінде кітапханаға әкеліп тапсыруыңызға болады. Жазушылар және журналистика саласының кәсіби мамандарынан құрылған қазылар алқасы жұмыстарды  жан-жақты бағалайды. Соның қорытындысы бойынша жеті жеңімпаз марапатталады. Марапаттау салтанаты 28 қыркүйекте – Оралхан Бөкейдің туған күнінде жазушының туған өлкесі Катонқарағай ауданында өтеді.