Бүгін Өскемен қаласындағы А.С.Пушкин атындағы кітапханада Қазақстан халқының тілдері күніне арналған «Тіл – татулық тірегі…» атты әдебиеттер көрмесі ашылды.

Көрмеде тіл тарихына, тіл біліміне, тілдің мәдениетаралық коммуникациясына, қазақ тіліне арналған жаттығу журналдары, тілдің философиясы, сөзтүзер, қазақ тілі теориясының негіздері және көптеген қазақ тіл білімінің мәселелері жайлы құнды ақпараттарды білуге болады, деп хабарлайды Altaynews тілшісі.

Естеріңізге сала кетейік, 5 қыркүйек – Қазақстан халқы тілдері күні мерекесі, яғни Ахмет Байтұрсынұлының туған күні – Қазақстан халқы тілдері күні болып бекітілгені баршамызға белгілі. Аталмыш мереке елімізде 2017 жылдан бері аталып келеді. Ал кітапханадағы көрме бір апта бойы жалғаспақ.