3 шілде күні Ұлан ауданының Асубұлақ орман шаруашылығындағы таулы аймақтан шыққан өрт 6 шілдеде шамамен 20 га алаңда сағат 15.10-да оқшауланды.

Орманшылармен біргеөрт сөндірушілер және жергілікті атқарушы органдар жетуі қиын жерлердегі құрғақ шөп пен бұта өртімен күресті, деп хабарлайды Altaynews тілшісі.

Өртті сөндіру үшін адам жетуі қиын, шөп басқан жолдармен жүріп, тау шатқалдары мен жартастар арқылы өту керек болды. Қиындық туғызған жерлерге авиация да көмек көрсетті.

Өрт шыққан сәттен бастап тікұшақтармен таулардағы биік ошаққа десант жеткізілді. Артынша «Қазавиақұтқару» АҚ МИ-8, Қорғаныс министрлігінің МИ-171 және ШҚО әуе бөлімшелерінің МИ-8 тікұшақтары өртті әуеден сөндірді.Су төгетін құрылғылардың көмегімен өрт ошақтарына барлығы 125 рет су төгілген.