Өскеменде жоғалып кеткен 7 жастағы бала табылмай жатыр
Өскеменде 7 жастағы Богданды іздестіру жұмыстары әлі де жалғасуда.
Бүгін кезекті іздеу шаралары Ертіс жағалауында өткізілді, деп хабарлайды Altainews.kz сайты.
Естеріңізге сала кетейік, 23 шілде күні 7 жастағы Богдан үйінен шығып кетіп, қайта оралмаған. Кейіннен оның киімдері мен аяқ киімі "Самал"саябағындағы жағалаудан табылды.
ШҚО полиция департаментінің алдын ала мәліметі бойынша, сол күні Богдан досымен бірге жағажайға шомылуға барған болуы мүмкін.
- Бүгін іздестіру жұмыстарына полицейлер, құтқарушылар, еріктілер мен әскери қызметшілер қатысты. Қол ұшын созып, көмек көрсеткісі келетін қала тұрғындарын бізге қосылуға шақырамыз. Адам саны көп болса, көп учаскелерді қамти аламыз, - дейді ШҚО ТЖД баспасөз қызметі.
Қандай да бір ақпарат білетіндер немесе іздестіру жұмыстарына қатысқысы келетіндер 112 арнасына немесе 8-705-186-33-04 (Евгений) нөміріне хабарласуға болады.
Фото: ШҚО ПД баспасөз қызметі
Оқи отырыңыз
