13 қаңтарда «Өскемен-Самар» автожолының 106-шы шақырымында «Тойота» автокөлігінің жүргізушісі көлік тізгініне ие бола алмай, кюветке түсіп кеткен.

Көлік жүргізушісіне ШҚО ПД патурльдік полиция қызметкерлері көмекке келді. Олар ауыр техниканың көмегімен қар құрасуында қалған көлік құралын алып шығып, жүргізушіге және көліктегі жолаушыларға көмек көрсетті. Жүргізуші мен жолаушылар суықта тоңбас үшін   полиция қызметкерлері оларды қызметтік автокөлікке отырғызып, ыстық шай берді.

- Бір автокөлік тасжолдан кюветке шығып кеткен. Көлік салонында екі үлкен жолаушы болған, абырой болғанда ешкім зардап шеккен жоқ, - деп хабарлайды департамент баспасөз қызметі.

Көлік жүргізушісі полиция қызметкерлеріне көмек көрсеткендері үшін алғыс білдіріп, Самар ауылына қарай жол тартты.