«Ұлан ауданы бойынша 41 сайлау учаскесінде 227 комиссия мүшелері жұмыс істеді. Сайлау процессіне қоғамдық бірлестіктердің, саяси партиялардың өкілдері байқаушы ретінде және ҚР Президенттігіне кандидаттардың сенім білдірген тұлғалары қатысты.  Аудан тұрғындары белсенділік танытып, дауыс беруге халықтың 92,79 пайызы қатысты.  Дауыс беру күні Ұлан ауданының сайлау учаскелерінде болған байқаушылар сайлау заңнамасына бұзушылық тіркелмегендігі туралы актілер берді. Сайлау науқанына байланысты аудан бойынша барлық елді мекендерге баратын жолдар уақытылы тазартылып, сайлау учаскелері қажетті оргтехникалармен, құралдармен жабдықталды», - дейді Айтбала Кумарова.