15 сәуірде түнде Шығыс Қазақстан облысының солтүстігінде, шығысында жауын-шашын, кей жерлерде қатты жауын-шашын (жаңбыр, қар), күндіз облыстың көп бөлігінде жауын-шашын, облыстың солтүстігінде, шығысында қатты жауын-шашын (негізінен жаңбыр) күтіледі.

Облыстың солтүстігінде, шығысында көктайғақ. Желдің жылдамдығы оңтүстік-шығыс, шығыс солтүстікте, оңтүстікте, облыстың орталығында 15-20, кейде 25 м/с дейін жетеді, деп хабарлайды Altaynews тілшісі. 

Өскемен қаласы бойынша ертең оңтүстік-шығыстан жел екпіні 15-18 м/с дейін соғады. 16 сәуірде түнде жауын-шашын (жаңбыр, қар), күндіз жаңбыр, облыстың шығысында қатты жаңбыр күтіледі. Түнде облыстың солтүстігінде, батысында тұман, көктайғақ болады. Облыстың шығысындағы солтүстік-шығыстан желдің екпіні 15-20, кей жерлерде 23-28 м/с дейін жетеді.

Мұндай метеожағдайларда ғимараттар мен құрылыстар конструкцияларының әлсіз бекітілген элементтерінің құлауы, көлік қозғалысының қиындауы, көрудің нашарлауы, тайғақ жол жамылғысының пайда болуы қауіптің негізгі факторларына айналады.

Халық сақтық шараларын қатаң сақтауы керек.

Автожолдардың жай-күйі, дауылды ескерту туралы ақпаратты "Дәрмен" тегін мобильді қосымшасын жүктеу арқылы білуге болады.

Төтенше жағдайлар туындаған кезде "112-ге" қоңырау шалған абзал.