Жылыжайда қарасора өсірген өскемендік ұсталды
Фото: ШҚО ПД баспасөз қызметі
21 тамыз күні «Қарасора» жедел-профилактикалық іс-шарасын өткізу барысында жедел уәкілдерге облыс орталығының 35 жастағы тұрғыны есірткі заттарын заңсыз өсіретіні туралы ақпарат келіп түскен.
Тексеру барысында аталған ақпарат расталды, деп хабарлайды Altaynews тілшісі.
"Саяжай аумағын тінту барысында жылыжайдың ішінен жалпы салмағы 2984,07 грамм болатын 2 өсімдік бұтасы мен 1 кептірілген "қарасора" өсімдігінің бұтасы табылып, тәркіленді. Ер адамның түсіндіруі бойынша, ол оны жеке тұтыну үшін өсірген. Күдіктіге қатысты келуге міндеттеу түріндегі процестік мәжбүрлеу шарасы тағайындалды", дейді ШҚО ПД баспасөз қызметі.
Аталған факті бойынша ҚР ҚК-нің 300-бабы 1-бөлігі, яғни құрамында есірткі заттары бар өсіруге тыйым салынған өсімдіктерді заңсыз өсіру бойынша сотқа дейінгі тергеу басталды.
Аталған бапта 2 жылға дейінгі мерзімге бас бостандығынан айыру түріндегі жаза көзделген.
Оқи отырыңыз
