Өскемен тұрғыны есірткі шегіп алып, трактор тізгіндеген
Полиция қызметкерлері Әл-Фараби көшесін патрульдеу барысында 32 жастағы тұрғынының басқаруындағы "JCB" маркалы тракторды тоқтатады.
Жүргізілген сараптама жүргізушінің есірткі пайдаланғанын көрсеткен, деп хабарлайды Altaynews тілшісі.
Сондай-ақ, оның өткен 2022 жылы сот шешімімен өмір бойына көлік жүргізу құқығынан айырылғаны анықталды.
- Қазіргі уақытта көлік құралы мамандандырылған тұраққа қойылды. Құқық бұзушыға қатысты ҚР ҚК-нің 346-бабы 1-бөлігі бойынша сотқа дейінгі тергеу басталды, - дейді ШҚО ПД баспасөз қызметі.
Полиция қызметкерлері автокөлік жүргізушілерін мас күйде көлік жүргізбеуге және жол жүрісі қағидаларын сақтауға шақырады.
Оқи отырыңыз
