Демалыс күндері 1200-ден астам жүргізуші жауапкершілікке тартылды – ШҚО
Фото: baq.kz
Шығысқазақстандық полиция қызметкерлері жол қауіпсіздігін қамтамасыз ету және жол жүрісі қағидаларын сақтау бойынша тұрақты негізде жұмыс жүргізіп жатыр.
Өткен демалыс күндері өңірде 1200-ге жуық тұрғын жауапкершілікке тартылды, деп хабарлайды Altaynews тілшісі.
Атап айтқанда, 240-тан астам жаяу жүргіншінің ережені бұзуы, 147-і қауіпсіздік белдіктерін пайдалану қағидаларын сақтамағаны үшін, 92 жүргізуші көлік құралын басқару кезінде телефонды пайдаланғаны үшін, 15 жүргізуші автокөлікті масаң күйде басқарғаны үшін және 7 адам жолдың жүру бөлігінің қарсы бағытта жүруге арналған жағына шыққаны үшін жазаланды.
"Мәселен, 20 тамыз күні сағат 23.55 шамасында Мыза көшесін патрульдеу кезінде ішімдік ішіп, көлік тізгіндеген 35 жастағы жүргізуші ұсталды. Сараптама қорытындысына сәйкес, жүргізуші жеңіл дәрежедегі масаң күйде болғаны анықталды. Жүргізушігі қатысты ҚР ӘҚБтК-нің 608-бабы 1-бөлігі (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы) бойынша әкімшілік хаттамалар толтырылып, он бес тәулікке әкімшілік қамаққа алынып, жеті жыл мерзімге көлік құралын басқару құқығынан айырылды", дейді ШҚО ПД баспасөз қызметі.
Полиция департаменті жүргізушілерді жол жүрісі қағидаларын қатаң сақтауға шақырады.
Оқи отырыңыз
