KZ
Өскемен
+4°
ясно жел 4 м/с, СБ
445.66 474.58 4.78

«Халық заңгері» жалпыреспубликалық акциясына қатысыңыздар!

Altaynews

22.05.2023, 18:15 4 995

ШҚО сыбайлас жемқорлыққа қарсы қызметі азаматтарды «Халық заңгері» жалпыреспубликалық акциясына шақырады

Акция 26 мамыр күні сағат 17.00-де Өскемен қаласындағы Сәрсен Аманжолов атындағы Шығыс Қазақстан университетінде (Қазақстан көшесі, 55 мекенжайы бойынша) өтеді, деп хабарлайды Altaynews тілшісі.

  Акцияның мақсаты – халықтың құқықтық сауаттылығын арттыру және тегін заң көмегін көрсету. Кез келген азамат облысымыздың үздік заңгерлерінен, мемлекеттік мекемелердің басшыларынан қажетті консультация ала алады. Олардың арасында белгілі адвокаттар, нотариустар, прокурорлар, тергеушілер, сот орындаушылары, мемлекеттік органдардың басшылары бар. Яғни, азаматтар бір жерден жеке мәселелеріне тегін жауап ала алады, дейді акцияны ұйымдастырушылар.

Акцияны ұйымдастырушылар – ҚР Сыбайлас жемқорлыққа қарсы іс-қимыл агенттігі, zakon.kz желілік басылымы, «Параграф» ақпараттық жүйесі, мемлекеттік билік органдары және Қазақстанның үздік заңгерлері мен адвокаттары.

Бүгінде «Халық заңгері» акциясын өткізу дәстүрге айналған және қарапайым қазақстандықтардың алғысына бөленген. Айталық, 2016-2022 жылдар аралығында акцияға 7 мыңнан астам үздік сарапшы және мемлекеттік органдардың шешім қабылдай алатын құзыретке ие өкілдері қатысты. Құқықтық көмекке жүгінген 150 мыңнан астам азамат консультация алған.

 

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив