Қала көшелерінен 16 мың текше метр қар шығарылған - Өскемен
Облыс орталығында қар шығару жұмыстары әлі жалғасып жатыр.
Естеріңізге сала кетейік, Өскеменде қараша айының соңында тәулігіне 40 сантиметрден астам қар жауды. Бүгінгі таңда қала көшелерінен 16 мың текше метр қар шығарылған, деп хабарлайды Altaynews тілшісі.
- Қар тазалау жұмыстарына күн сайын 60 бірлік техника мен 150-ге жуық жұмысшы жұмылдырылуда. Олар көшелерді қар үйінділерінен босатып жатыр. Көлік көп жүретін орталық көшелер толығымен дерлік тазартылған. Қазір шағын көшелер мен шалғай аудандарда жұмыстар белсенді түрде жүргізіліп жатыр. Сонымен қатар, жаяу жүргіншілер жолы, тротуралар, аялдама, мәдениет және демалыс орындарының маңдары тазартылуда, - деп атап өтті «Таза Өскемен» ШЖҚ КМК баспасөз қызметі.
Егер көше тазалығына байланысты қандайда бір шағымдарыңыз бен сұрақтарыңыз болса мәселені жедел шешу үшін @tazaoskemen Instagram парақшасының жекесіне жазуларыңызға болады.
Оқи отырыңыз
