Билетсіз жүргендерді тексеріп жатыр – Өскемен
Облыс орталығында жол ақысын төлеуден жалтарған жолаушыларды анықтау бойынша рейд жүргізілуде.
Қоғамдық көлікте жол ақысын төлемегендерге 2 АЕК (6900 теңгені) көлемінде айыппұл салынады, деп хабарлайды Altaynews тілшісі.
- Қазір қаладағы қоғамдық көліктерде билетсіз жолаушыларды анықтау бойынша рейдтер жүргізіліп жатыр. Бақылаушыларда кондукторлардан өзгеше кеудешелер мен төсбелгілер болады, - деді Өскемен қалалық жолаушылар тасымалын басқару орталығы.
Сондай-ақ жауапты мамандар жолаушылардан міндетті түрде бір реттік билеттерді (қолма-қол төленген жағдайда) өзінің аялдамасына дейін сақтауды сұрайды.
— Көлік картасымен, Kaspi QR арқылы немесе қолма-қол ақшамен жол жүру ақысын төлемеген жолаушы билетсіз болып саналады. Қазіргі уақытта қоғамдық көлікте жол ақысын төлеуден жалтарғаны үшін айыппұл 2 АЕК (6900 теңге) құрайды,- деп атап өтті жолаушылар тасымалын басқару орталығы.
Оқи отырыңыз