Облыс орталығында мерекелік іс-шаралар қаланың бірнеше алаңында ұйымдастырылады.

Сағат 12:00-де этнографиялық мұражай-қорықтың Солжағалау кешені (Қ.Сәтбаев даңғылы, 79А) қаланың барлық тұрғындары мен қонақтарын "Балалық шақ – жарқын түстер" мерекесіне шақырады. Бағдарламада: концерт, көрермендермен жаппай ойындар, викторина, балаларға арналған көңілді ойындар өткізу қарастырылған, деп хабарлайды Altaynews тілшісі.

Бұл күні "Әнші қала" фестиваль-байқауының ашылуы болады. Ұйымдастырушылардың айтуынша, байқау жеңімпаздарына сыйлық сертификаттары тапсырылады.

Сонымен қатар "VITA Мир" дүкенінде (Әуезов даңғылы, 35) және оның жанында үлкен сабын көпіршіктері бар шоулар, аниматорлар қатысқан конкурстар мен ойындар, дискотека, көңілді караоке, қағаз шоуы өтеді. Ұйымдастырушылардың айтуынша, іс-шараға қатысушыларды сыйлықтар күтеді.

Сағат 13.00-де облыстық Достық үйі – Қоғамдық келісім орталығының алдында (Назарбаев даңғылы, 68. Бұрынғы ММС) Халықаралық балаларды қорғау күнін мерекелеу өтеді. Бағдарламада: концерт, аниматорлармен ойын-сауық, демеушілердің сыйлықтары. Сондай-ақ тұрғындар қатысып, бағалы сыйлықтар ұтып алуға болатын "Арбалар шеруі" байқауы өтеді. Конкурсқа қатысу үшін 8-777-992-97-08 телефоны бойынша алдын ала тіркелу қажет.

1 және 2 маусымда "Металлург" саябағының сахналық алаңында "Color fest" бояулар фестивалі өтеді. 13.00-ден 20.00-ге дейін фестиваль қонақтары аниматорлармен, жүргізушілермен, диджеймен, қаланың би ұжымдарымен бірге түрлі түсті іс-шараға қатыса алады.

Сағат 14.00-де "Император" сауда кешені мен ЦУМ арасындағы алаңда «Ғажайыптар уақыты!» мерекесі өтеді. Бағдарламада: лазерлік тег, картинг, мини-гольф, жеуге болатын және танымдық шеберханалар, көпіршікті шоулар, түрлі музыкалық және ашық ойындар мен жарыстар, бойлық қуыршақ және көңілді аниматорлар, әртістердің қойылымы, бет бояуы және басқа да шаралар өткізіледі.

Барлық іс-шараларға кіру тегін.