Күршім аудандық мәслихатының шешімімен «Күршім ауданының Құрметті азаматы» деген мәртебе ауданның әлеуметтік-экономикалық дамуына елеулі үлес қосқан бірқатар азаматқа берілді.

Солардың қатарында белгілі ақын, майталман журналист, облыстық «Дидар» газетінің Күршімдегі меншікті тілшісі Хасен Зәкәрияға салтанатты түрде аудан әкімі Дулат Қажановтың өзі табыстады.

Биыл алпыстың асқарына шыққан ақынға дәстүр бойынша жерлестері, аға-бауырлары (Қойтастағы) ақынға ат мінгізіп, иығына шапан жапты.