«Nur Otan» партиясы Күршім аудандық филиалы төрағасының бірінші орынбасары Мамырбек Қалелов аудандық «Рауан-Заря» газеті бас редакторының орынбасары Мейрамгүл Қозыбаеваның қатысуымен әлеуметтік желі арқылы онлайн брифинг өткізді.

Брифинг барысында Мамырбек Жәлімханұлы партия лидері Нұрсұлтан Назарбаевтың тапсырмасымен партиялық-саяси даму тарихында тұңғыш рет республикалық партияішілік сайлау ауқымында өтетін «Nur Otan» праймеризі туралы жан-жақты мәлімет беріп өтіп, журналистің сұрақтарына жауап берді. Сондай-ақ, желі пайдаланушылардың жолаған сауалдары да назардан тыс қалмай, барлығына толық жауап берілді.