Өскеменде тағы бір smart-аялдама орнатылады, деп хабарлайды Алтайньюс тілшісі.

– Мешіттің алдындағы павильонды алып жатыр, өйткені онда Спорт сарайындағыдай smart-аялдама орнатылады. Ал екі аялдаманың ескі павильондарын 19-шағынаудандағы Есенберлин және Қазыбек би көшелеріне орнатады, – деп мәлімдеді қала әкімдігінің баспасөз қызметі.

Осы орайда айта кетейік, «Abdi» дүкенінің алдындағы «Өзен вокзалы» аялдамасына да жылы павильон орнату қажет. Өйткені бұл жер өзен жағасы болғандықтан ауа тым ылғалды, қыс мезгілінде бет қариды. Осы ауданда №3 мектеп-лицейі орналасқанын ескеру қажет.