Облыс орталығының тұрғындарына футбол, волейбол, баскетбол ойнап, эстафетаға қатысып, фитнес-нұсқаушылардан тегін сабақ алуға тамаша мүмкіндік туып тұр. Өйткені Комсомал аралында «Open air» атты ерекше спорттық шара өтеді , деп хабарлайды Алтайньюс тілшісі.

«Open air 17.00-де басталады. Футбол, волейбол, баскетбол командалары сол жерде құрылады. Қатысушылардың жас мөлшері 15 жастан жоғары болуға тиіс. Ал 7-15 жас аралығындағы жасөспірімдер «көңілді старт», эстафета сынды жарыстарға қатыса алады», – деп хабарлады қала әкімдігінің баспасөз қызметі.

Сондай-ақ сағат 18.00-де нұсқаушылар фитнес-party ұйымдастырады.