10 шілдеде қалада COVID-19 жұқтырудың  57 жаңа жағдайы тіркелді, оның 55%-ы, яғни 31 адам індеттің симптомсыз тасымалдаушысы болып табылады, деп хабарлайды Altaynews тілшісі.

Дәрігерлер коронавирус инфекциясын көп жағдайда науқастар ЖРВИ немесе пневмония белгілерімен қаралуға келгенде анықтап жатады.

Ауру белгілері білінбейтін науқастармен қатар симптомдары айқын формадағы науқастардың қатары да артып келеді. Мысалы, мамыр айында Өскеменде 5 жағдай тіркелді, ал маусымда – 198. Шілде айының бас кезінде 204 жағдай тіркелсе, оның бесеуі өліммен аяқталды.