Семей қаласының тұрғыны жылыжайда қарасора (конопля) өсірген, деп хабарлайды Алтайньюс тілшісі.

Ел аумағында 1 маусымнан бері «Қарасора-2020» жедел-алдын алу іс-шарасы жүргізіліп жатыр. Аталмыш шара 30 қазанға дейін жалғасады.

– Тәртіп сақшылары Водный елді мекенінің 36 жастағы тұрғынын ұстады. Ол жер үйдің ауласындағы жылыжайда қарасора тұқымдас өсімдік өсірген. Барлығы 38 түп қарасора тәркіленді. Есірткілік заттың салмағы 7 келіден астам болды, – деп мәлімдеді Семей қаласының полиция басқармасы.

Қылмыстық кодекстің 300-бабы 2-бөлігінің 3-тармағы бойынша сотқа дейінгі тергеу жүргізілуде.