Зайсан ауданында найзағай түсіп, қураған шөп өртенді, деп хабарлайды Altaynews тілшісі.

Жалын үлкен аумаққа таралған екен.

Облыстық ТЖД ақпараты бойынша, өрт 3 маусымда Қаратал ауылдық округінің Елеке учаскесінде түнгі сағат он екі кезінде басталған.

Дала өртін сөндіруге жергілікті органдар мен шекара қызметінің өкілдері келді. Сондай-ақ, өрт сөндіру қызметінен 7 адам жіберілді.

Қатты желдің салдарынан жалын тез таралып кеткен. Жалпы аумағы 30 гектар жерді құрады.