Аймақ басшысы Даниал Ахметов мектеп бітіруші түлектерді оқу жылының аяқталуымен құттықтады, деп хабарлайды Altaynews тілшісі.

Алғаш рет соңғы қоңырау мерекесі онлайн форматта өтіп отыр. Биыл облысымыздың 8204 оқушы өмірінің жаңа кезеңіне аяқ басады. Оның ішінде 746 "Алтын белгі", 447 үздік аттестат иегерлері бар екен.

- Ерекше алғысымды ұстаздар мен ата-аналарға білдіремін! Ешкімге оңай тимеген осы кезеңде балаларымызға көрсеткен қолдауымыз, танытқан түсіністігіміз, білдірген сеніміміз олардың жігер-қайратын мықтап, болашағының берік іргетасын қалайды. Сіздердің үздіксіз еңбектеріңіздің арқасында біз қашықтықтан оқыту жағдайында 4 тоқсанды лайықты деңгейде аяқтадық. Оқу жылының аяқталуымен құттықтаймын. Зор денсаулық, мол бақыт және сәттілік тілеймін! – деп жазды Даниал Кенжетайұлы әлеуметтік желідегі парақшасында.