Шығыс Қазақстан облысында балалар күніне орай ерекше акция басталды, деп хабарлайды Алтайньюс тілшісі.

Шығыста 2016 жылдан бері «Жүректен жүрекке» атты акция дәстүрлі түрде өтіп келеді. Мұндағы мақсат – бүлдіршіндер мен жеткіншектердің арман-тілегін орындау. Сол себепті іс-шара Балаларды қорғау күніне орайластырылады.

Негізінде акция 1 наурызда бсталып қойды. Яғни балақайлар екі айдан бері  армандары жазылған хаттарды Tylek.kz сайтына салып жатыр. Әлі 1 маусымға дейін жалғасады. Ал қайырымды жандар, атымтай азаматтар балалардың хатын сайттан «жасырын» оқып, бүлдіршіндерге тосынсый жасап, қуанта алады.

– Балалардың хаты өте көп. Мәселен түрлі-түрлі кітап, ойыншық, спорттық құрал-жабдық алсам деген армандары бар. Кез-келген адам балалардың хатына жауап ретінде, оларға сыйлық жасай алады, – деп мәлімдеді ШҚО әкімдігінің баспасөз қызметі.