Өскемендегі қоғамдық көліктерге электронды билет жүйесін енгізу жұмыстары басталып кетті, деп хабарлайды Алтайньюс тілшісі.

Көлік басқармасының мәлімдеуінше, қаңтар айынан бастап қала бойынша арнайы серверлер орнатылып, шеф-монтаж, яғни орнату жұмыстарына дайындық жүргізілуде. Құрылғыны қоғамдық көліктерге көктемде орната бастайды. 2020 жылдың соңына дейін барлық жүйе істеп тұруы тиіс.

Жұмыстар "IBA-Қазақстан" ЖШС-мен мемлекеттік-жекеменшік серіктестік шарты бойынша жүргізілуде.

Сонымен қатар, Семейдегі электрондық билеттеу жүйесі 20 қаңтардан бастап толығымен іске қосылды. Ұялы телефондағы қосымшаның көмегімен немесе картамен валидатор арқылы есептесуге болады, сонда жол жүру – 80 теңге. Мұндай мүмкіндік болмаса, жол ақысы – 160 теңгеге шықпақ, себебі сараланған тариф орнатылған.

Әділ Әуезхан