Семейдегі «Тиса» демалыс базасында әскерилер арасында шаңғы жарысы болды. Оған Өскемен, Семей, Аягөз және Үшаралдан келген 13 топ қатысты.

Әуелгі кезең 6 шақырым ұзақтыққа жарыс болды. Одан кейін 5 шақырымға патрульдер эстафетасы өтті.

– Шаңғы – әскери спорт. Бұл сарбаздарды дайындау бағдарламасында бар. Сол себепті мұндай жарыс жыл сайын болады, - деді «Шығыс» өңірлік қолбасшылығы спорт бөлімінің бастығы Нұржан Тұрымов.

Жарыс нәтижесінде бірінші орынды №36803, екінші орынды №44736, үшінші орынды №35411 әскери бөлімдері иеленді. Үздіктер іріктеліп, көктемдегі ел чемпионатына барады.