Өскемендегі Дос-Нар базарында жастарға кеңес беру орталығы ашылды, деп хабарлайды Алтайньюс тілшісі.

Ерекше орталық «Jas Otan» жастар қанатының жергілікті филиалының басшылығымен ашылды. Қала тұрғындары орталыққа келіп, тұрғын үй, кәсіпкерлік, жұмыспен қамту, заңнама және денсаулық сақтау мәселелері бойынша тегін кеңес алады. Көп жағдайда кеңселерге бас сұғып, қабылдауға жазылуға немесе кезекте тұруға адамдардың мойыны жар бермей жатады.

– Сол себепті орталықты көзге көрнекі, көпшілік ортада ашуды жөн көрдік. Базарға азық-түлік алуға келген адамдар жол-жөнекей көкейде жүрген мәселелеріне байланысты кеңес алып кете алады, – дейді «Jas Otan»-дықтар.

«Nur Otan» партиясы Шығыс Қазақстан облыстық филиалы төрағасының бірінші орынбасары Олег Чугунков алғашқылардың бірі болып кеңес беру орталығына келіп, тұрғындармен тілдесті.