Иә, қала автобустарында электронды билеттендіру жүйесі енгізілгелі екі аптаға жуық уақыт өтті. Алайда семейліктердің жүйеге қатысты сұрақтары көп. Мәселен, сіз отырған автобуста картамен төлем қабылданбаса не істейсіз?  «Semey Bus» автопаркінің мамандары бұл сұраққа қатысты не дейді?

 - Егер жолаушының қолма-қол ақшасы болмаса, ал автобуста стационарлық валидатор әлі орнатылмаса  онда жолаушы өз аялдамасына дейін тегін жетуіне болады, - дейді автопарктегілер.

Ал, қала жұртшылығы болса жекеменшік автобустарда электрондық жүйенің әлі қосылмағанын айтуда. Тұрғындардың сөзіне сенсек, №18 автобуста аталған аппарат жоқ.

- №18 маршрутты жақында жаңа автобустармен ауыстырамыз. Жаңа автобусқа ауысқаннан бастап оларға да стационарлық валидаторлар орнатылатын болады, - дейді мамандар.