ШҚО-да жантүршігерлік жол апаты болды, деп хабарлайды Altaynews тілшісі.

Төрт адамның жанын жалмаған жол апаты Қалбатау-Көкпекті тас жолында болған.  16 қаңтар күні сағат кешкі 17:00 шамасында Көкпектіден Қалбатауға бағыт алған «Тoyota Highlander» маркалы көліктің жүргізушісі жолдың қарсы бағына шығып «ВАЗ 2112» маркалы көлікпен соқтығысып қалған. «ВАЗ 2112»-нің жүргізушісі мен ондағы үш жолаушы сол жерде тіл тартпай кеткен. Ал «Toyoto Highlander» үш жолаушы дене жарақаттарын алып, Көкпекті аудандық емханасына жеткізілді. Әзірше оқиғаның мән-жайы анықталуда.