Ішкі істер министрі Bek Air ұшағы апатының мүмкін үш себебін атады, деп хабарлайды Алтайньюс тілшісі.

– Министрліктің тергеу тобы әуе апатының себеп-салдарын анықтап жатыр. Қазіргі уақытта үш нұсқа қарастырылуда. Біріншісі – экипаждың қателігі. Екіншісі – ұшақтың техникалық ақаулары. Үшіншісі – навигация қызметінің жұмысы, – деді Ерлан Тұрғымбаев.
Министрдің айтуынша, мамандар қазіргі уақытта оқиға орнында тиісті жұмыстарды жүргізіп жатыр.

– Апатқа ұшыраған ұшақты әуежай аумағына әкелеміз. Сол жерде әрбір бөлшегін тексеруден өткіземіз, – деп түйіндеді ІІМ басшысы.