Семейде балалар үшін сырғанақ ашылды. Бірақ сатысының жақтауы жоқ, деп хабарлайды Алтайньюс тілшісі.

Бұл туралы шаһар тұрғындарының бірі «Instagram» желісінде айтқан.

- Қалалық әкімдіктің дәл алдында сырғанақ бар деп естіген болатынбыз. Балаларым сырғанақ теуіп жүрген, араға 15 минут салып көліктен шықсам, сырғанаққа апаратын сатының жақтауы жоқ екен. Бұл не сұмдық? Жақтаудың орнына лента іліп қойыпты. Ол лентаның өзін біреу жұлмалап тастаған. Балаларымды алып үйге қайттым. Ол жердің қауіпті екенін қайдан білсін, әйтеуір маған өкпелі. Жақтауды жасаған соң келеміз деп уәде бердім, - дейді бейнежазба авторы.