ШҚО-да бүгін жаяу бұрқасын соғады
ШҚО Төтенше жағдай департаменті қауіпті метеорологиялық құбылыстар жайлы ескерту жариялады, деп хабарлайды Алтайньюс тілшісі.
"Қазгидромет" РМК филиалының ақпараты бойынша, 24 қазанда жаяу бұрқасын соғады. Желдің екпіні 15-20 м/ дейін күшейеді.
Сондай-ақ, алдағы үш тәулікте солтүстік және шығыс аймақтар арқылы атмосфералық бағыттар өтеді, соның нәтижесінде жауын-шашын мен көктайғақ болып, тұман түседі екен.
Осыған орай ШҚО полиция департаменті автокөлік жүргізушілеріне тас жолдарда қойылған шектеулер жайлы алдын ала біліп отыруды ескертеді. Республикалық маңыздағы тас жолдар туралы 26-28-08 телефон нөмірі арқылы, облыстық маңыздағы тас жолдар туралы 57-42-52 нөмірі арқылы білуге болады.