Өскеменде үй саламын деген жеке кәсіпкерлерге жер беріледі, деп хабарлайды Алтайньюс тілшісі.

Облыс орталығында өтетін инвестициялық форумда осындай мәселе көтерілмек. «Қаланың индустриялық аймақтарын дамыту» секциясында.

Кәсіпкерлерге 19-шы тұрғын ауданнан жер телімдері беріледі. Қалалық жер қатынастары бөлімінің мәлімдеуінше, бұл ауданда құрылыс жұмыстарын жүргізуге болатын 8 алаң бар.

– Кәсіпкер берілген жерге қандай нысан салатынын өзі шешеді. Бәлкім тұрғын үй, бәлкім әкімшілік ғимарат. Қалай болғанда да, нысан халық игілігіне жарауы тиіс, – дейді қалалық экономика және бюджеттік жоспарлау бөлімінің басшысы Арман Мұқтарқанұлы.

Еске салайық, инвестициялық форум 30 қазан күні өтеді. Қосымша сұрақтар бойынша 26-22-84 және 8 775 719 91 91 телефон номерлері жұмыс істейді.