Өскемендегі бес балабақша жекеменшікке өтеді. Қала әкімшілігі бұл өзгерістің балабақша ақысына әсер етпейтініне уәде етті, деп хабарлайды Алтайньюс тілшісі.

- Балабақша мемлекеттік меншігі болып қала береді, бірақ белгілі бір мерзімге, яғни, 10-20 жылға жекеменшік ұйымның басқаруына беріледі, - дейді қалалық экономика және бюджеттік жоспарлау бөлімінің басшысы Арман Исқақов . – Меншік иесі балабақшаның күрделі жөндеу жұмыстарын жүргізеді, материалдық-техникалық жабдықталуын қамтамасыз етеді.

Жекеменшікке өтетін балабақшалар: «Бүлдіршін», «Колокольчик», № 42 сәбилер балабақшасы, № 17 «Ручеёк» сәбилер балабақшасы, № 80 «Чудотворец» сәбилер балабақшасы.

Аталған балабақшаларды басқаруға алатын ұйымдар 30 қазанда ашылатын инвестициялық форумда белгілі болмақ.