15 қазанға дейін. Д.Ахметов аудандарды көмірмен 100% қамтамасыз етуге тапсырма берді. Шығыс Қазақстан өңірінде ауыл-аймақтың халқы әлі күнге дейін көмірмен толық қамтылмай отыр, деп хабарлайды Алтайньюс тілшісі.

Бұл туралы облыс әкімдігінде өткен жиналыс барысында белгілі болды. Мысал үшін айталық, Катонқарағай ауданының тұрғындары көмірмен 70%, Тарбағатай – 75%, Зайсан – 82%, Аягөз ауданы 75% ғана қамтылған. Қалған аудандарда да дәл осындай олқылықтар бар.

Аймақ басшысы Даниал Ахметовтың айтуынша, аудандар негізінен 3 қазанға дейін көмірмен толық қамтылуы тиіс болған. Аудан әкімдеріне ескерту жасаған Даниал Кенжетайұлы, бұл істі 15 қазанға дейін түбегейлі тындыруға тапсырма берді.