Өскеменнің су қомайларында апатты жағдай орын алды. Осыған байланысты Защита ауданының тұрғындары суық сусыз отыр. Ал Абай даңғылындағы тұрғын үйлерде су краннан сыздықтап қана ағады, деп хабарлайды Алтайньюс тілшісі.

– Таңғы сағат 9.35-тегі апатты жағдайға байланысты Солтүстік-Атаман су қоймасының сорғы станциясы істен шықты. Сағат 10.20-да Төменгі Согра су қоймасының резервтік сорғы станциясы іске қосылды. Жағдайды «Өскемен Водоканал» мекемесінің мамандары бақылауға алды, – деп мәлімдеді қалалық әкімдік.

Әкімдіктің ақпаратына сүйенсек, Защитадағы білім беру және денсаулық сақтау мекемелеріне су тасымалдау шаралары ұйымдастырылған. Ал тұрғандар бұл мәселе бойынша 53-16-61 телефонына хабарласауы керек.