Шығысқазақстандық спортшылар батутта секіруден өткен халықаралық жарыстың жүлдегерлері атанды, деп хабарлайды Алтайньюс тілшісі.

Дәлірек айтсақ, Грузияның Батуми қаласында ұйымдастырылған «OjaraOpen-2019» додасында өскемендік жас гимнастар көзге түсті. Жерлестеріміз жарыс қорытындысы бойынша ел қоржынына үш медаль салды. Оның екеуі – алтын. Ал енді байрақты бәсекеде қанжығалары майланған сол спортшыларға тоқталсақ, 17 жастан жоғары атлеттер сайысында Роман Барков топ жарды. Сол сияқты Руслан Сатыга да өз тобында (11-12 жас аралығы) қарсылас шақ келтірмеді.

Тағы бір жүлдеге Дәулет Рахатов ие болды. 15-16 жастағы спортшылар сайысына қатысқан Дәулет күміс жүлдені қанжығалады.