Өскеменде қоғамдық көлікті жүргізуші құқығынан айырылған адам жүргізіп жүр, деп хабарлайды Алтайньюс тілшісі.

Қаладағы №4 автобусты жол-көлік оқиғасына байланысты жүргізушілік құқығынан айырылған азамат жүргізіп жүрген. Полиция қызметкерлері тәртіп бұзған жүргізушіні ұстап, жауапқа тартты.

– Жүргізуші жұмыстан шеттетіліп, жауапкершілікке тартылды. Автобус арнайы тұраққа қойылды. Сондай-ақ тасымалдаушы кәсіпорынның басшылығы да жауапкершілікке тартылатын болады, – деп мәлімдеді қалалық полиция басқармасының әкімшілік полиция бөлімінде.