Семейде үш бірдей көше жөндеу жұмыстарына байланысты жабылды, деп хабарлайды Алтайньюс тілшісі.

Бүгін сағат 9:00-ден бастап Параллельная, Қаржаубайұлы, Мичурин көшелері жабық болады.

– Жол жөндеу жұмыстарына «Азия» компаниясы шамамен 10 күнге жуық уақыт кетеді деп отыр. Сол себепті тұрғындарға хабарландыру жасауды жөн көрдік, енді қозғалыс Переездная көшесі бойынша жүзеге асырылады, – дейді Жолаушылар көлігі және автокөлік жолдары бөлімі жетекшісінің міндетін атқарушы Нұрлан Серғазинов.