ШҚО-да балаларды 1-сыныпқа қабылдау жүріп жатыр, деп хабарлайды Алтайньюс тілшісі.

Облыстық білім басқармасы басшысының міндетін атқарушы Айгүл Байжанованың айтуынша, мектепке 6 жасқа толған балалар келуі керек. Сондай-ақ ата-аналарының қалауымен жыл соңына дейін 6 жасқа толатын балалар да қабылданады.

Айтпақшы, баланы мектепке бармай-ақ, vko.ddo.kz сайты арқылы тіркетуге де болады. Сайт кез келген уақытта жұмыс істей береді. Құжатты сканерлеп, электронды қолыңызды қоясыз.

Осы орайда баланы тіркету үшін келесідей құжаттар керегін жаза кетпекпіз:

– Баланың ата-анасының немесе заңды өкілінің өтініші;

– Туу туралы куәлігі;

– Баланың денсаулығы туралы екі құжат (форма 026/у-3 және форма 063/у);

– Екі 3х4 суреті.