Көкпекті ауданының Үлгілімалшы ауылы үш күннен бері жарықсыз отыр, деп хабарлайды Алтайньюс тілшісі.

20 мамыр күні дауыл соғып, үйлердің шатырын ұшырып алып кеткен. Дауылдың қандай болғанын төмендегі видеодан көруге болады.

– Құйын соғып, айналдырған үш минуттың ішінде бірнеше жердегі ток өткізгіш сымдарды үзіп кетті. Баған да құлады. Электромонтерлер қираған дүниені жөндеп жатыр. Бүгін кешке ауылға жарық беріледі, – деді ауыл әкімі Мерей Смағұлов.

Еске салайық, Қазгидромет 20-23 мамыр күндері аралығында дауылды ескерту жариялап, желдің жылдамдығы секундына 25 метр болатынын айтқан.