Шығыс Қазақстанның Глубокое ауданына қарайтын Секисовка ауылының маңында жолаушы толы автобус жеңіл көлікпен қақтығысып қалды, деп хабарлайды Алтайньюс тілшісі.

Жол-көлік оқиғасы бүгін 13.00 сағат шамасында болды.

– «Фольксваген» автомобилі автобуспен қақтығысып қалған. Жеңіл көліктің жүргізушісі ауруханаға жеткізілді. Автобус жолаушыларының ішінде зардап шеккендер жоқ, – деп қысқаша мәлімдеді Полиция департаментінің баспасөз қызметі.

Оқиға болған жерде полиция қызметкерлері қақтығыстың мән-жайын анықтап жатыр.